La fabrica de petaç

[oc] Nascut en 1958, Frederic Fijac passèt la maja part de las siás vacanças entre causse e ribièira de Ceu. Mastada pel mièg d'aquel ranvèrs de Peirigòrd que tuteja Carcin, la bòria pairala li foguèt una illa, e mai mai : lo maine dels images. Un repaire que lo « daissa-me te dire » i senhorejava. Òmes, plantas, bèstias... al gojat escotós, li semblava que lo monde tot èra parlar. Enreguèt dins son cap lo camin de l'escriure. Poètas de rescontre l'anavan téner de calhaus. Quò's al païs de Perbòsc que l'òme volonta de recobrar l'occitan. A l'Escòla Normala, amics e lecturas li fan descobrir, al torn de son illa, l'espandida d'un univèrs. Se promet sulpic de portar lausa, tan pitieneta que siá, a-n-aquel paratge. Vengut regent de classa bilingüa a Pena d'Agen, s'avisa de frelhar los seus remembres a l'enfància a l'espèra dels escolans. Coneis atal que se'n vai temps qu'espelisca la geofonia que l'a pastat mainatge - e mai enquèra lo ten d'encantat : « Cunhat a punta de casal, petals de papièr blanc e fuèlhas de carton leugièr, lo codonhièr de Bardilha, japonés sens zo saber. Acotat al seu paissèl cussonat, s'està plan. Zen. Aconsomit dins recanton, vièlh cantonièr confle de sòmis de confiment, apresta sa fruchada. » [fr] Ce recueil de poèmes a obtenu le Prix Flor de prima. Né en 1958, Frederic Fijac a passé l'essentiel de ses vacances entre causse et vallée du Céou. Dressée au cœur de ce coin de Périgord qui tutoie le Quercy, la ferme familiale fut pour lui une île, et plus encore : le domaine des images. Un repaire où régnait le « laisse-moi te dire ». Hommes, plantes, animaux... Il semblait à l'enfant attentif que le monde entier était parole. Il se mit en tête d'emprunter le chemin de l'écriture. Des poètes de rencontre allaient le pourvoir de cailloux. C'est au pays de Perbòsc que l'homme veut recouvrer l'occitan. Devenu instituteur de classe bilingue à Penne d'Agenais, il s'avise de frotter ses souvenirs à l'enfance à l'affût de ses écoliers. Il s'aperçoit qu'il est temps qu'éclose cette géophonie qui l'a pétri enfant - et qui encore le tient enchanté.